Xak’ ti ojtikinel INE xchu’uk INALI ti yet’sel k’op ti yorail no’ox ti yoxibal loil k’op ojtikinbil chaj Debate Presidencial te ti oxib bats’i k’opetik yu’un jlumaltik
*Slajeb xa ti ambtel sventa yet’esel k’op sventa yu’un ti loil k’op ojtikinbil chaj debatee, ti nahuatl, maya xchu’uk tsotsil
*Ti jtunel electorale xal ti yu’un laj yich’ pasel ti manataliletik tsibabil sventa yu’un ti ich’el ti muk’e, ech k’uchal laj yal ti Consejo General sventa yu’un a vi ambtel to
17 yu’un mayo ti a’bil 2024.- Ti Instituto Nacional Electoral (INE), ti komon ambtel xchu’uk ti Instituto Nacional de Lenguas Indígenas (INALI), ta xak’ ti a’yel ti yet’esel k’op te ti bats’i k’opetik yu’un jlumaltik maya, náhuatl xch’uk tsotsil sventa ti yoxibal lo’il k’op ojtikinbil chaj Debate Presidencial, ti ta xich pasel a vi xtal domingo to valunlajuneb yu’un mayo te ti Centro Cultural Universitario Tlatelolco, ti vaxakib ora ak’obal.
Xchu’uk a vi slajeb a vi ambtel to, a’ te xlaj o ti mantal ti xu’ sjel ti kuxlejaltik ti laj ch’un ti jtunel electorale, te ti yambtelal ti lo’il k’op ojtikinbil chaj debate presidencial, ti a’ sventa yu’un ti ak’o yich’el ti muk i xch’unel ti derechos político-electoralese xchu’uk ti ya’yej yu’un bats’i naklejetik yu’un ti jlumaltike.
Ech nixtok, xak’ ti ojtikinel ti a’ tsots sk’oplal sventa ti k’op lo’il ti bats’i k’opetike i ech stsatsal chaj ti yantik k’op yu’un ti spamlejal jlumaltike, ech k’uchal xal ti Ley General de Derechos Lingüísticos de los Pueblos Indígenas.
Ech yu’un, ti INE xchu’uk INALI ta xak’ik ti a’yel i ojtikinel a vi xtal kak’aletik to, te ti skanaltak ti pasbilik yu’unike, sventa ti transmisiones yu’un ti yet’esel k’ope te ti yostosal ti k’opetike i te ta xet’esel ti yoril no’ox ti debate te ti canal de YouTube yu’un Instituto (INETV), xchu’uk te ti yantik ti tos ti sredes sociales xchu’uk página electrónica: https://centralelectoral.ine.mx/.
Ti ligas electrónicas ti bu xu’ xa’ik i sk’elik ti jnaklejetike sventa yu’un ti bu ta x’et’esel ti k’opetike a’ ik a vi to:
*Y’et’esel k’op loil ti náhuatl: https://youtube.com/live/RTOPPE1GGmw?feature=share.
*Yet’esel k’op lo’il ti maya: https://youtube.com/live/Y2qU3OwO9SQ?feature=share.
*Yet’esel k’op lo’il ti tsotsil: https://youtube.com/live/izgNWT6g4aY?feature=share.
Ech nixtok ti ambtel laj spasel yu’un sventa ti lo’il k’op debates presidenciales, ti INE te ta xak’ nixtok ti k’op sventa señas yu’un ti kuts kalaltik ti buch’utik mu stak xaik k’ope: https://youtube.com/live/g5h5mvIxtaE?feature=share.
Ech’ k’uchal xa ti i k’ot ti pasel ti i ech chib loil k’ope, okoliyal ti komon ambtel xchu’uk ti Red de Radiodifusoras i Televisoras Educativas i Culturales de México (RED México), xu’ xak’el ti k’elel ti yet’esel k’opetike ti mas ti lajcheb sistemas ti sjunlajal ti jlumaltike, i ech te ta xet’esel nixtok te ti televisoras públicas ti lek chapale i ti nom xk’ot yip ech k’uchal TV UNAM.
Ech nixtok, ta xich k’anbel yambtel ti Instituto Nacional de los Pueblos Indígenas (INPI) yu’un a k’o spas invitar skotol ti a’yejetik yu’un ti radiodifusoras culturales yu’un a k’o xchikintaik ti k’opetik sventa ti debateetik ti et’esbilik ti bats’i k’opetike yu’un ti canal yu’un INE, te ti emisoras yu’un INPI xchu’uk plataforma yu’un radio indígena Ecos Indígenas (https://ecos.inpi.gob.mx/).
Te ta xich’ nopel, ech k’uchal ti xchibal Debate Presidenciales, ti INPI ta xal ti butik regiones yu’un ti jlumaltik ta xich et’esel ti ya’yel ti k’op lo’ile ti et’esbil ti batsi k’opetike ech k’uchal náhuatl, maya xchu’uk tsotsil, a’ ti butik ti ko’ol ta xk’opojik ech uke.
Te ta xkaltik ti sbi jujun ti j-et’esek k’opetike sventa ti yoxibal lo’il k’op ojtikinbil chaj debate presidencial te ti bats’i k’opetik.
|
J-et’esej k’opetik |
Bats’i k’opetik yu’un jlumaltik |
|
Irla Élida Vargas Del Ángel |
Náhuatl |
|
Gilberta Mendoza Salazar |
|
|
Martha Martínez Hernández |
|
|
Anselmo Clemente De Jesús |
|
|
Sary Lorena Hau Ucan |
Maayat?aan (maya) |
|
Jemina Abigail Peraza Chan |
|
|
Ramón Chan Briceño |
|
|
Elí Concepción Casanova Morales |
|
|
Lucía Moshán Vargas |
Bats?i k?op Tsotsil |
|
Reyna Gomez Ruiz |
|
|
Esmeralda Méndez |
|
|
Cristóbal Hernández Pérez |
Ti yoxibal lo’il k’op ojtikinbil chaj Debate Presidencial ti xu’ ti a’yel te ti cadena nacional te ta xa’bel sbi ech k’uchal: yich’el ti muk krixchanoetik yu’un xchapanel jlumaltik xchu’uk ajvalil sventa sk’el, xchabi i xchapan jlumaltik: lo’il sventa lekil chapanel, i li’to ti candidataetike xchu’uk ti candidato ta me sjak’be sbaik sventa yu’un ti xchapanel, sk’elel ti jlumaltike yu’un slekubtasbil xkuxlejal ti jnaklejetike, ti mu’yuk lekil kuxlejal i cha’biel xchu’uk ti chopol tsomlej yu’un ti j-elek’etike, jmilvanejetik, i jchon chopol momoletik; jxanviletik ti sba skuxan sbaik ti yantik balamiletik xchu’uk xchapanel política ti yantik balamiletik i ech nixtok sventa ti yich’el ti muk’ sk’otol ti jnaklejetik yu’un ti xchapanel ti jlumaltike, ti yantik ti tos ti tsomlejetike i ti ch’ak’el sventa yu’un ti tsatsal anbteletike.
Xchu’uk ti yet’esel ti k’op lo’il sventa ti debate presidenciale te ti bats’i k’opetike xchu’uk ti señaetik, ti INE te laj spas i laj xch’un ti mantal sventa yu’un ti ich’el ti muke ti laj xch’un ti Consejo General ti laj xchapan a vi ambtel to.
-o0o-