Ti xchibal xcholel k'uyelan snopojik ch-abtejik li buch'utik chtajinik ta partidoetik sbi ta kaxlan k'op “Debate Presidencial” ta xich' jelubtasel ta a'yiel ta oxib bats'i k'opetik

• Ta YouTube INETV, ta redes sociales kucha`al Facebook, xchiuk spagina Central Electoral, stak` te xich` k`elel, a`yiel ti jelubtasel a`yejel ta maya, náhuatl xchiuk tsotsil

Ti stek`om ti xich` ak`el a`yiel ti a`yejel ta bats`i k`opetik kucha`al ti maya, náhuatl xchiuk tsotsil, ja` ti lek xich` cholbel smelol sventa sna`el, snopel buch`u junukal jtajimol ta xich` t`ujel, ja yu`un ti Instituto Nacional Electoral (INE) xchiuk ti Instituto Nacional de Lenguas Indígenas (INALI), ta xak` ta ek`el ta na`el ta stojol krixanoetik ti chich` jelubtasel ta bats`i k`opetik ti xchibal “Debate Presidencial”, ja` jech kucha`al sba yich` pasel.

Ti debate ta 28 abril te chich` pasel ta snail Estudios Churubusco ta vaxkim ora ak`obal, ko`ol yoral te chich` ak`el ta ilel, a`yiel ta YouTube yu`un Instituto (INETV), ja` jech xtok kucha`al estak` xich` a`yiel, k`elel li` ta spágina electrónica: https://centralelectoral.ine.mx/. Yo`bu stak` xich` k`elel chikintael ti a`yejale ja`ik li`e:

• Jelubtasel  k`op  ta       náhuatl: https://www.youtube.com/live/bSyN6DE2- fk?si=yWsscWqfAAikqcey
• Jelebtasel                     k`op                      ta                       maya:

https://www.youtube.com/live/WGPHbtreiaM?si=z_REgohyDXgsw6yQ

• Jelubtasel k`op  ta   tsotsil:  https://www.youtube.com/live/qn3lLqrQE- 0?si=TAFofR7tsyLBPMhk
• Jelubtasel           k`op             ta             Señas            Mexicana:

https://www.youtube.com/live/GykiUx2bnEM?si=TsrBRYZ_2n7G-4Uz

Ja` jech kucha`al yich` pasel ta sba debate, kolyal ti ko`ol abtelal yich` pasel ti Red de Radiodifusoras xchiuk Televisoras Educativas xchiuk Culturales de México (RED México) sbi`ik jech ta kaxlan k`op, kolyalik ti stak` xich` ak`el ta ilel ta a`yiel ti jelubtasel bats`i k`opetike oy 12 bu stak` xich` chikintael ti a`yejal ta sjunul Mexiko, ja` jech kucha`al ta skanal TV UNAM.

Li buch`utik ta sjelubtasik ti bats`i k`opetike ta Xchibal Debate Presedencial, jaik li chich` cholbeltal sbi`ik.

Ti k`usitik chich` albel, cholbel smejol ta Xchibal Debate Presidencial jaik li: k`uyelan xlekubal stak`in sjunul jlumaltik, amtelal, xchiuk mu xtoybal li k`usitik oy chich`tunesel, lajesel, spasel be, spasel snail chanob vun, xchiuk k`uyelan xlekub, stsatsumbal sjunul jlumaltik: albobail skoj ch`abal tak`in, mu`yuk ko`ol tsakel ta muk`, xchiuk xtok k`uyelan jelxa li banamil xchiuk k`uyealan stak` xich`meltsanel, ti a`yejale stak xich`k`elel, chikintael La ruta hacia el desarrollo de México sbi.

Ti k`uyelan k`usitik chich` jak`anbel ti jtajimoletike ja` ta Formato B, oy sminutoal stak` stak`ik li k`usitik yich` tsobel la sjak`ik li krixanoetik ta 32 lumetik ta sjunlejal Mexiko, xchiuk chib lumetik ta Estados Unidos jaik kucha`al (Los Ángeles xchiuk Dallas) tu buch`u la stsob ti videotike ja li Coordinación Nacional de Comunicación Social (CNCS) yu`un INE.

Ti t`ujikbil k`usitik chich` jak`anel chich` ch`akel ta chanib: Yak`ol jlumaltik ta kaxlan k`op Norte: Bajio xchiuk Costa Oeste; Centro, xchiuk ta Sureste. Ti bu junukal chapbel smelol a`yejal chich` ak`el ta tak`el ti buyukno`ox stojukal ti krixano la staktal ti k`usi ta sjak`.

Ti k`us sventa li va`yelan a`yelaje ja ti, chich` ak`el ta a`yiel k`uyelan snopbenik jujuntal ti jtajimoletike, xchiuk k`uyelan xchapbenal snopojik ch-abtejik mi kuch yu`unik ti tajimole, ja` ti bu jotukal likem ti krixano chich` tsakel ta muk` ti k`usitik la sjak`. jech xtok chich` k`elel k`uyelan la stak`ik jujuntal ti k`usitik la yich`ik jak`bel.