Kioliniah INE wan INALI tlahtolkwepalistli tlen Eyi Weyitlanawatihkah Itlahtolmanawilis ika eyi masewaltlahtolmeh tlen ni tlaltokahyotl
* Motlamiah tlahtolkwepalistli tlen tlahtolmanawilis ika nwatlahtolli, maya tlahtolli wan tsotsil tlahtolli
* Wasanilistli tlanawatiyanih kisenkawah wan kitlepanitah tlen kiihtok Consejo General ika ni kamanalli
Powalli: 17 tonalli tlen mayo meetstli ipan 2024 xiwitl.- Ni Weyitekikalko Instituto Nacional Elecoral (INE), sansehko iwaya Weyitekikalko Instituto Nacional de Lenguas Indigenas (INALI), kiolinis tlahtolkwepalistli ipan masewaltlahtolmeh maya tlahtolli, nawatlahtolli wan tsotsil tlahtolli tlen Eyi Weyitlanawatihkah Itlahtolmanawilis, mochiwas ipan domingo 19 tonalli tlen mayo meetstli ipan Centro Cultural Universitario Tlatelolco, ipan 20:00 kawil.
Ika ni motlamiah tlachiwalistli, motlamiah tlen axkema mochihtoya ika wasanilli tlanawatiyanih, ika weyitlanawatihkah itlahtolmanawilis, keh kitokilia motlepanitas techpowilistli politiko-wasanilistli wan masewaltsitsih iyolmelawalis ipan ni tlaltokahyotl.
Nohkia, moixmatis motekiwiah masewaltlahtolmeh keh tlen onka ipan ni tlaltokahyotl, ika mosenkahtok ipan Weyitlanawatilli Ley General de Derechos Lingüísticos de los Pueblos Indígenas.
Ika ni, ni weyitekikalmeh INE wan INALI kioliniseh ipan ni tonalli, ipan ininkanales kampa kinmoyawah, ma kinkakikah tlahtolkwepalistli ipan sesen tlahtolmeh tlen mochiwas nimantsi ipan canal YouTube tlen Instituto (INETV), nohkia ika miak iredes sociales wan iteposiswatl pagina electrónica: https://centralelectoral.ine.mx/.
Kanpa masewalmeh welli kintokiliseh ni yolmelawalistli elih yani:
*Tlahtolkwepalistli ika nawatlahtolli: https://youtube.com/live/RTOPPE1GGmw?feature=share.
*Tlahtolkwepalistli ika maya tlahtolli: https://youtube.com/live/Y2qU3OwO9SQ?feature=share.
*Tlahtolkwepalistli ika tsotsil tlahtolli https://youtube.com/live/izgNWT6g4aY?feature=share.
Nohkia, keh seyok tlamantli tlen mosenkawa ika nochi ipan ni weyitlanawatihkah itlahtolmanawilis, ni INE nohkia kitemakas masewalmeh yolmelawalistli ika Mexihka Tlahtol Machiyotl, ipan teposiswatl pagina: https://youtube.com/live/g5h5mvIxtaE?feature=share.
Nohkia keh panoh ipan ome achtowi tlahtolmanawilis, panpa sansehko tekitihkeh Red de Radiodifusoras y Televisoras Educativas y Culturales de Mexico (RED México), welli mochiwas ni yolmelawalistli tlen tlahtolkwepalistli ika 12 itl itekpantli ipan ni tlaltokahyotl, nohkia ika televisoras públicas keh ni TV UNAM kanpawelli asih.
Nohkia, motemos ma onkas palewilistli tlen Weyitekikalko Instituto Nacional de los Pueblos Indígenas (INPI) ma kintlanewikah nochi masewalmeh ma kinkakikah tlen radiodifusoras culturales ipan INE ikanales, ipan INPI iemisoras wan radio indígena Ecos Indígenas (https://ecos.inpi.gob.mx/).
Moitah keh, mochihki ipan Ome Weyitlanawatihkah Itlahtolmanawilis, ni INPI kihtos kanke moyolmelawas tlalhtolkwepalistli ika masewaltlahtolmeh nawatlahtolli, maya tlahtolli wan tsotsil tlahtolli kanpa motlahtoa iwikal.
Namah, moixnextiseh tlahtolkwepanih inintokah wan tlahtolmeh tlen kitekiwiseh ipan Eyi Weyitlanawatihkah Itlahtolmanawilis:
|
Tlahtolkwepanih |
Masewaltlahtolmeh tlen Tlaltokahyotl |
|
Irla Élida Vargas Del Ángel |
Nawatlahtolli |
|
Gilberta Mendoza Salazar |
|
|
Martha Martínez Hernández |
|
|
Anselmo Clemente De Jesús |
|
|
Sary Lorena Hau Ucan |
Maayat?aan (maya tlahtolli) |
|
Jemina Abigail Peraza Chan |
|
|
Ramón Chan Briceño |
|
|
Elí Concepción Casanova Morales |
|
|
Lucía Moshán Vargas |
Bats?i k?op Tsotsil Tlahtolli |
|
Reyna Gomez Ruiz |
|
|
Esmeralda Méndez |
|
|
Cristóbal Hernández Pérez |
Ni Eyi Weyitlanawatihkah Itlahtolmanawilis welli mokakis ipan nochi Tlaltokahyotl, itokah Kanpa nochi tekitih wan motlanawatih: kamanalli tlen techyekanah wan ipan yani candidatas wan candidato motlahtlaniseh iixpa ika ni kamanalli tlen masewalpolitika; axonka temachtli wan mosenkohtiliah tlaixpanotinih; sehkanok tekitih masewalmeh wan sehkanok politika mochiwa, nohkia nochi tekitih, miak onka wan moxexelowa tetonilistli.
Ika tlahtolkwepalistli ipan masewaltlahtolmeh tlen tlaltokahyotl onka wan mochiwa ni weyitlanawatihkah itlaltolmanawilis wan nohkia ika Mexihka TlaltolMachiyotl, ni INE kisenkawa tlachiwalistli ika nochi tlen kisenkahki Consejo General ipan ni kamanalli itlachiwalis.
-o0o-